Көктем келісімен халық мерекелік көңіл-күйге бөленіп, ұлттық киімге деген қызығушылық арта түседі. KAZINFORM агенттігінің хабарлауынша, елімізде ұлттық киімнің бағасы өңірге байланысты әртүрлі. Бұл, әсіресе, Талдықорған қаласында да айқын байқалады, – деп хабарлайды 7-su.kz ақпараттық порталы
Ерлер шапанының бағасы бойынша Талдықорған, жалпы Жетісу өңірінде, орташа есеппен 15 000-80 000 теңге аралығында. Әдетте, қарапайым базардан алынатын шапан тұрғындардың қалтасына қолжетімді болып келеді, ал дизайнерлердің шебер қолынан шыққан үлгілер 150 000-200 000 теңгеден бастап сатылып жатады.
Әйелдер қамзолына келер болсақ, Талдықорған тұрғындары үшін таңдау кең. Орташа баға 20 000-60 000 теңге аралығында өзгереді. Кестеленген немесе дизайнер үлгілері болса, құны 150 000 теңгеден асады. Негізінде матаның сапасы мен кестенің нақтылығы бағаның түпкілікті көлеміне әсер етеді.
Ал тақияға келетін болсақ, Талдықорғанда оның бағасы 2 000-10 000 теңге аралығында. Өңірлік ерекшеліктерге қарамастан, тақияның бағасы шапан мен қамзолға қарағанда жұртқа әлдеқайда қолайлы.
Жалпы алғанда, Талдықорғанда ұлттық киім бағасы сапа мен сәнділікке қарай қалыптасады. Бағаның өзгеруі тұрғындардың табысына, туристік сұранысқа және дизайнерлердің ұсынысына байланысты. Базардағы қарапайым киімге бюджет жеткілікті болса, шебер қолынан шыққан үлгі ерекше мерекелік сәтте сатып алуға лайық.
