Сарқан ауданында жалпы облыстық сенбілік аясында кең ауқымды тазалық және абаттандыру жұмыстары жүргізілді.
Игі шараға аудан әкімі Ғалымжан Маманбаев, бөлім және мекеме қызметкерлері, өңір тұрғындары белсене қатысып, туған жердің тазалығы мен көркеюіне үлес қосты.
Сенбілік барысында ағаш отырғызу, саябақтар мен өзен жағалауларын тазалау, ағаштарға күтім жасау, арық жүйелерін тазарту жұмыстары жүйелі түрде атқарылды. Нәтижесінде аудан бойынша отырғызылған 1000-ға жуық көшеттің 400-і «Қойтас» саябағына егілді.
Ауқымды шараға 19 техника мен 1000-нан аса адам жұмылдырылып, 60 тоннадан астам қоқыс шығарылды.
Қанат БАЙДРАХЫМОВ,
Сарқан ауданы әкімінің баспасөз хатшысы
