Қазіргі уақытта Талдықорған теміржол вокзалына елордадан алғашқы тікелей қатынайтын пойыз келіп жетті, – деп хабарлайды 7-su.kz ақпараттық порталы Vestnik19.kz сайтына сілтеме жасап.
Жетісу облысы үшін бұл – өңірдің көлік инфрақұрылымын дамытудың жаңа кезеңін айқындайтын маңызды оқиға. «Астана – Ақтоғай – Талдықорған» бағыты бойынша тікелей қатынастың іске қосылуы жолаушылардың қозғалысын едәуір жеңілдетіп, логистиканы оңтайландырып, облыс орталығын бизнес пен туризм үшін қолжетімді ете түседі.
Бұл оқиғаны ұзақ күткен қала тұрғындары пойызды ерекше, мерекелік көңіл-күймен қарсы алды.
Еске салайық, тікелей қатынайтын вагондардың қозғалысы 2026 жылдың 9 сәуірінде ресми түрде басталды. Бұл қадам өңірдің республикалық көлік желісіне ықпалдасуына жаңа мүмкіндіктер ашып, Талдықорғанның экономикалық дамуына серпін береді.
