11 сәуірде Өзбекстанның Бұхара қаласында Қазақстан Президенті Қасым-Жомарт Тоқаев пен Өзбекстан Президенті Шавкат Мирзиёевтің бейресми кездесуі өтеді, – деп хабарлайды 7-su.kz ақпараттық порталы.
Кездесу барысында мемлекеттер басшылары Қазақстан мен Өзбекстан арасындағы стратегиялық серіктестік пен одақтастықты одан әрі нығайту перспективаларын талқыламақ. Сонымен қатар, өңірлік күн тәртібіндегі өзекті мәселелер де назардан тыс қалмайды.
Айта кетейік, қос ел арасындағы ынтымақтастық соңғы жылдары жаңа деңгейге көтеріліп, саяси, экономикалық және мәдени-гуманитарлық бағыттар бойынша қарқынды дамып келеді. Бұхарадағы бұл кездесу екіжақты байланыстарды одан әрі тереңдетуге ықпал етеді деп күтілуде.
