Президент бірқатар Елшіні тағайындады

Қазақстан Президенті Қасым-Жомарт Тоқаев дипломатиялық қызметте бірқатар кадрлық өзгерістер жүргізді, – деп хабарлайды 7-su.kz ақпараттық порталы.

Мемлекет басшысының жарлығымен Асет Жеңісұлы Исенали Қазақстан Республикасының Корея Республикасындағы төтенше және өкілетті елшісі болып тағайындалды.

Сонымен қатар, Қазақстанның Таиланд Корольдігіндегі төтенше және өкілетті елшісі, БҰҰ-ның Азия мен Тынық мұхитқа арналған Экономикалық және әлеуметтік комиссиясы (ЭСКАТО) жанындағы Қазақстан Республикасының тұрақты өкілі Марғұлан Бақытұлы Баймұхан енді Қазақстанның Мьянма Одағы Республикасындағы төтенше және өкілетті елшісі қызметін қоса атқаратын болды.

Осы жарлыққа сәйкес, Нұрғали Алмасбайұлы Арыстанов Қазақстан Республикасының Корея Республикасындағы төтенше және өкілетті елшісі қызметінен босатылды.