ҚР Жоғары аудиторлық палатасының мүшесі Тілеген Каскиннің айтуынша, 2022-2024 жылдары шамамен 24 мың студент оқудан шығарылған, олардың оқуына 19,6 млрд теңге жұмсалған. Соның ішінде 10 мың студент бойынша жүйеде пайдаланылған гранттар сомасы туралы мәлімет мүлдем жоқ, – деп хабарлайды 7-su.kz ақпараттық порталы.
Тілеген Каскин оқудан шығарылған студенттер бойынша қаражатты қайтарудың толыққанды жолы жоқтығын атап өтті.
– Міндетті жұмыспен өтеуден жалтарудың магистратураға түсіп, кейін оқудан шығу арқылы жүзеге асырылатын қосымша схемасы да қалыптасқан. Тек осы санат бойынша мемлекетке келтірілген болжамды залал 10,8 млрд теңгеге бағаланады, – деді Жоғары аудиторлық палата мүшесі.
