Бүгін қазақтың кәсіби музыка мәдениетінің негізін қалаушы, көрнекті композитор, дирижер әрі музыка зерттеушісі Ахмет Жұбановтың туғанына 120 жыл толды, – деп хабарлайды 7-su.kz ақпараттық порталы.
Ахмет Жұбанов қазақ музыка өнерін жаңа деңгейге көтеріп, оны күрделі аспаптық және симфониялық шығармалармен байытқан тұлға ретінде танымал. Ол композитор Латиф Хамидимен бірлесіп «Абай» және «Төлеген Тоқтаров» операларын дүниеге әкелді. Сондай-ақ, кейін қызы Ғазиза Жұбанова аяқтаған «Құрманғазы» операсының негізін қалауға да қатысқан.
Өнер қайраткері тек шығармашылықпен ғана емес, қазақ музыка мектебін қалыптастыру ісімен де ерекшеленді. Ол бірнеше буын кәсіби музыканттар мен өнер мамандарын тәрбиелеп, ұлттық музыкалық білім беру жүйесінің дамуына елеулі үлес қосты.
Айтулы күнге орай Құрманғазы атындағы Қазақ ұлттық консерваториясының қабырғасында түсірілген бейнематериал назарларыңызға ұсынылады.
