Құрметті соғыс ардагерлері мен тыл еңбеккерлері!
Құрметті жетісулықтар!
9 мамыр – Жеңіс күнімен баршаңызды шын жүректен құттықтаймын!
Елжандылық пен ерлікті, қайсарлық пен қаһармандықты паш ететін бұл күн ел тарихының тағдырлы парақтарының бірі.
Осы күні біз Отан үшін кеудесін от пен оққа төсеген майдангерлердің рухына тағзым етіп, тылда бел шешпей жұмыс істеп, Жеңіске маңдай терімен үлес қосқан ардагерлерге айрықша құрмет көрсетеміз.
Бабалардың батырлық жолын есте тұту бізді бүгінгі бейбіт өмірімізді бағалай білуге үйретеді, тыныштықтың баға жетпес байлық екенін ұғындырады. Сол арқылы бірлігімізді бекемдеп, өсіп-өркендеу жолында жаңа бастамаларға ұмтыламыз.
Құрметті жерлестер! Баршаңызға бейбіт ғұмыр, отбасыларыңызға амандық тілеймін.
