Қазақстан Республикасы Бәсекелестікті қорғау және дамыту агенттігінің Жетісу облысы бойынша департаменті 2024-2025 жылдардағы қантты көтерме сату нарығындағы бәсекелестіктің жай-күйіне жоспарлы талдауды аяқтады.
Талдау нәтижелері бойынша нарық жоғары концентрацияланған (I типті) нарыққа жататындығы анықталды, бұл жеке қатысушылардың айтарлықтай үлесін көрсетеді. Нарыққа кірудегі кедергілер де анықталды. Атап айтқанда, 2026 жылғы 1 қаңтардан бастап қолданыстағы биржалық сауда ережелері 100% алдын ала төлеуді және клирингтік орталық арқылы есеп айырысуды көздейді, бұл қатысушыларға қаржылық жүктемені арттырады және олардың мүмкіндіктерін шектейді.
Бәсекелестікті дамыту мақсатында төлем және жеткізу тәсілдерін кеңейтуге бағытталған биржалық сауда ережелеріне өзгерістер енгізуді қарастыру ұсынылды. Осы шараларды іске асыру кірудегі кедергілерді азайтуға және нарықтағы бәсекелестік деңгейін арттыруға мүмкіндік береді.
«Жетісу-Ақпарат»
