Қазақ ұлттық қыздар педагогикалық университетінің PhD докторы, аға оқытушы Айжан Қоңырованың жетекшілігімен студенттер тобы «TarikhMap» инновациялық платформасын әзірледі.
«TarikhMap» платформасы тарих сабақтарында интерактивті цифрлық карталар мен жасанды интеллект технологияларын тиімді қолдануға бағытталған.
Университет білімгерлері платформаны жаңа тақырыптарды түсіндіруде, мемлекеттердің аумақтық өзгерістерін таныстыруда және тарихи оқиғалардың өткен орындарын интерактивті форматта көрсетуде қолданып келеді. Сонымен қатар цифрлық карталардың мүмкіндіктері оқу бағдарламасы материалдарын бекітуге, үй тапсырмаларын тексеруге және жоғары сынып оқушыларын ұлттық бірыңғай тестілеуге (ҰБТ) даярлау үдерісінде айтарлықтай жоғары нәтиже беруде.
Аталған платформа «Startup-Tomiris» байқауында үздіктер қатарынан көрініп, 1 млн. теңге көлеміндегі қаржылай грантқа ие болғанын да айта кеткен жөн. Қазіргі таңда платформа Алматы қаласы мен Алматы облысындағы бірқатар мектептің оқу үдерісіне кезең-кезеңімен енгізіліп келеді.
«Жетісу-Ақпарат»
