Қазақстан Республикасының Президенті жанындағы Қазақстанның стратегиялық зерттеулер институтының тапсырысымен DATAmetrics компаниясы жүргізген әлеуметтанулық зерттеу нәтижелері жарияланды. Зерттеу барысында еліміздің саяси бағытын халықтың жоғары деңгейде қолдайтыны анықталды, – деп хабарлайды 7-su.kz ақпараттық порталы.
Сауалнама 2026 жылғы 13 маусым мен 2 шілде аралығында «face-to-face» форматында өтті. Оған барлық өңірден, Астана, Алматы және Шымкент қалаларынан 18 жастан асқан 8000 азамат қатысты. Нәтижелер бойынша қатысушылардың 87-88%-ы Қазақстанның даму жолын оң бағалайды. Статистикалық қателік шегі 95% сенімділік ықтималдығында ±1,1% деңгейінде бекітілді.
Азаматтардың сайлау процесіне қатысуға деген ынтасы айтарлықтай жоғары. Алдағы Құрылтай сайлауына дауыс беруге ниетті респонденттердің үлесі 75-76%-ды құрап отыр. Оның ішінде 44-45%-ы сайлауға баруды нақтыласа, 31-32%-ы дауыс беруі ықтимал деген шешімге келген.
Партиялық таңдауға қатысты сұрақтар бойынша «Әділет» партиясы айқын көш бастап тұр. Сауалнамаға қатысқандардың 54-55%-ы аталған партияға дауыс беруге әзір. Тізімнің қалған бөлігі келесідей сипатталады:
-
«Ауыл» партиясы – 7-8%
-
«Ақ жол» партиясы – 4-5%
-
«Respublica» партиясы – 3-4%
-
Жалпыұлттық социал-демократиялық партия – 2-3%
-
Қазақстан Халық партиясы – 2-3%
-
«Байтақ» партиясы – 1-2%
Сайлаушылардың 22-23%-ы әлі өз таңдауын жасамаған. Бұл көрсеткіш саяси партиялардың алдағы уақытта үгіт-насихат жұмыстарын күшейтуі қажеттігін аңғартады.
