Халықаралық зияткерлікті дамыту институты Сыбайлас жемқорлыққа қарсы қызметтің көмегімен Талдықорған қаласындағы «ЕРЛІК» қоғамдық бірлестігінің басшысы Роза Ақжаркеноваға электронды басқарылатын заманауи мүгедектер арбасын табыс етті.
Роза Қажы-Ахметқызы мүмкіндіктері шектеулі болғанына қарамастан Алматы облысының белсенді тұрғыны. Оның жеке үлесінің арқасында облыстың көптеген проблемалық мәселелері оң шешімін тауып келеді. Сондай-ақ, ол Алматы облысының Сыбайлас жемқорлыққа қарсы қызметі жанындағы арнайы мониторингтік топтың мүшесі болып табылады.
Роза Ақжаркеноваға арналған заманауи арбаның қажеттілігін назарға ала отырып «Антикор» қызметкерлері азаматтық қоғамның дамуына қосқан үлесі үшін алғыс ретінде Корей әріптестері ұсынған электронды арбаны салтанатты түрде табыстады.
Алматы облысының сыбайлас жемқорлыққа қарсы қызметі Халықаралық зияткерлікті дамыту институтының басшысы, Корея Республикасының жергілікті өзін-өзі басқарудың лауазымды тұлғаларына арналған оқытудың инновациялық бағдарламаларын әзірлеуші, «Tomorrow» MIND журналының халықаралық журналисі, профессор Джо ГЮ Юн мырзаға зор алғысын білдіреді.
«ЖЕТІСУ-АҚПАРАТ»
