Қазіргі әлемде болып жатқан қарқынды өзгерістер білім беру жүйесін қайта қарауға себепші болуда. Білім беру саласындағы жалпы мектептер үшін де, соның ішінде, мұғалімдер үшін де ең басты міндет – оқушыларды ХХІ ғасырға сай мықты тұлға етіп тәрбиелеу. Бұл – бүкіл әлемнің білім жүйесіне тән ортақ міндет. Осы ретте мұғалімдерге терең білім мен тәжірибе қажет.
Заманауи оқыту тәсілдерінің негізгі ерекшелігі – оқушының білімді тек меңгеріп қана қоймай, оны іс жүзінде орынды қолдана білуіне басты назар аудару. Осы орайда, мұғалімдерден көптеген оқыту стратегиялары, түрлі педагогикалық тәсілдерді араластырып қолдану мүмкіндіктері, сондай-ақ, нақты әдістер мен стратегияларды қалай және қай жағдайда қолдану қажеттігі туралы білім мен біліктілік талап етіледі. Мұғалімдердің қолданатын стратегиялары, жалпы алғанда, бүкіл сыныпты оқыту мәселелеріне, сонымен қатар, жүргізілетін зерттеулердің бағытына, топтық, өзіндік жұмыстарға қатысты болмақ. Оның үстіне білім беру стратегияларында әрбір оқушымен жеке кері байланыс та ескеріледі.
Жұмақын Нұрпейсов,
«К. Байшығанұлы атындағы орта мектеп мектепке дейінгі шағын орталығымен»
коммуналдық мемлекеттік мекемесінің музыка пәні мұғалімі
