Акцияны студенттер альянсының белсенділері ұйымдастырды. Олар жерлестерін туған қаласына ұқыпты қарауға және оны абаттандыруға белсенді қатысуға шақырды. Гүлдер – үй ауласындағы аумақтарға әдемілік сыйлап, көңіл хошын келтіретін болады. Айта кетейік, науқан басталғалы бері экологиялық сенбіліктерге аймақтың 96 мың тұрғыны қатысқан. Нәтижесінде 56 мың ағаш көшеті отырғызылып, көріктендірілген.
– Мен әдемілікті жақсы көремін. Сол себепті гүл өсірген ұнайды. Олар біздің көңілімізді көтеріп, қуаныш сыйлайды. Сұлулық біздің мәдениетіміз. Гүлді әр үй иесі отырғызуы тиіс, – дейді Талдықорған қаласының тұрғыны Любовь Старцева.
«Қазақстан студенттер альянсы» облыстық филиалының төрағасы Ақерке Қызайбаева да өз ойымен бөлісті. Айтуынша, әрбір қазақстандық өзінің туған қаласы немесе ауылының келбетін жақсартып, көгалдандыруға үлес қосуы тиіс. Мұның бәрі өз қолымызда. Осындай акциялар арқылы халықты экологиялық мәдениетке және қоршаған ортаға ұқыпты қарауға баулыған жөн.
А. Байжұмақызы
