Петропавлда әйелдер командалары арасында ел чемпионатының 4-үлкен тур ойындары өтіп жатыр. «Жетісу» волейбол клубы турдағы үшінші ойынын «Ақтөбеге» қарсы өткізіп, 3:0 (25:8, 25:20, 25:16) есебімен жеңді. Талдықорғандықтар ертең чемпионаттағы басты қарсыласы «Қуанышпен» ойнайды деп хабарлайды, – 7-su.kz ақпараттық порталы.
Осының алдындағы ойында «Жетісу» сапындағы бірқатар ойыншылар денсаулығына байланысты ойынға қатыспаған болатын. Ал бүгін «Ақтөбеге» қарсы болған кездесуде барлығы қатарға қосылып, кездесуді ойдағыдай өткізді.
– Дәл қазіргі сәтте өзімізді жақсы сезнеміз. Бүгінгі ойында бапкердің қойған міндеттерін толық орындадық деп ойлаймын. Ертеңгі маңызды кездесуде барымызды саламыз, – дейді «Жетісу» волейбол клубының ойыншысы Кристина Белова.
«Ақтөбеге» қарсы болған кездесудің үздік ойыншысы – Кристина Белова. Ол 8 ұпай (8 шабуыл) алды. Одан кейінгі үздік нәтижені Ирина Кенжебаевмен (7 ұпай – 1 эйс, 6 шабуыл) Мяо Ивэн (7 ұпай – 7 шабуыл) көрсетті.
«Жетісу»:
Шабуыл – 43 пайыз.
Эйс – 11.
Тоқсауыл – 5.
«Ақтөбе»:
Шабуыл – 29 пайыз.
Эйс – 4.
Тосқауыл – 4.
«Жетісу» волейбол клубы ертең «Қуаныш» командасымен ойнайды. Одан кейін чемпионаттың негізгі бөлігі аяқталып, сәуірде ел чемпионын анықтайтын плей-офф кезеңі болады.
