Еліміздегі оқу-ағарту, ғылым және жоғары білім қызметкерлері салалық кәсіподағының 100 жылдық мерейтойына орай «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігі Кербұлақ аудандық филиалы білім саласы қызметкерлерінің арасында шаңғыдан жарыс өткізді.
Жарысқа Кербұлақ ауданына қарасты орта және негізгі мектептер, балабақшалар, өнер мектебі мен коррекциялық орталықтан жалпы 14 команда қатысты.
Шараның ашылу салтанатында Кербұлақ аудандық кәсіподақ филиалының төрағасы Жақан Дуанаев жарысқа қатысушыларға сәттілік тіледі. Ал жарыстың бас төрешісі, Тастыөзек орта мектебі дене шынықтыру пәнінің мұғалімі Ержан Нұрбеков ережемен таныстырды.
Әйелдер арасында І орынды Айгерім Балабаева, ІІ орынды Мария Чабан, ІІІ орынды Айнұр Кенжеғали алды. Ерлер арасында І орынды Марат Сайран, ІІ орынды Жолдас Шотбай, ІІІ орынды Бағлан Мұратұлы еншіледі.
Эстафеталық сайыста І орынды Тастыөзек орта мектебінің командасы, ІІ орынды П. Дутов атындағы орта мектебінің командасы, ІІІ орынды И. Панфилов атындағы орта мектебінің командасы өзара бөлісті.
Жалпыкомандалық есепте І орынға Тастыөзек орта мектебі, ІІ орынға П. Дутов атындағы орта мектебі, ІІІ орынға И. Панфилов атындағы орта мектебі орналасты.
Жарыстың барлық жеңімпаздары мен жүлдегерлеріне аудандық кәсіподақ филиалының атынан дипломдар мен бағалы сыйлықтар, кубок пен медаль тапсырылды.
«Жетісу-Ақпарат»
Фото: orgeo.ru
