Талдықорғанда асық атудан Жетісу облысының чемпионаты өтті.
Бұл туралы 7-su.kz желілік басылымы BAQ.KZ сайтына сілтеме жасап хабарлайды.
Ұлттық спорт бәсекесіне аудан-қалалардағы іріктеуден өткен 25 спортшы қатысты. Олар олимпиадалық жүйе бойынша өзара үздікті анықтады.
Ұлттық спортты жанына серік еткендер 7 минуттан үш ойын өткізді. Мергендігімен қарсыласын қапы қалдырғандар келесі кезеңге шықты.
Жеңіс тұғырына көтерілген екі ойыншы Қазақстан чемпионатында өнер көрсетеді. Бас жүлдеге жеңіл көлік тігілген байрақты бәсеке республика күніне орай Астанада өтеді.
Фото: Видеодан алынған кадр
