Иордания астанасы Амман қаласында Азия чемпионатында бүгін әйелдер күресінен қазақстандық үш спортшы сайысқа түседі.
Бұл туралы 7-su.kz желілік басылымы kaz.inform.kz сайтына сілтеме жасап хабарлайды.
Ел құрамасынан тәжірибелі балуан Жәмила Бақбергенова бозкілемге шығады. Ол қазірге дейін құрлықтық додада алты мәрте жүлдеге ілікті. 2020, 2022, 2023 жылдарда жеңіс тұғырына көтерілсе, 2021 жылы күміс, 2019 жылы қола жүлдегер атанды.
Биыл алғашқы белдесуінде Жәмила Оңтүстік Корея өкілі Сехи Киммен шеберлік байқасады.
Сондай-ақ ел құрамасынан Зейнеп Баянова (53 келі) Оңтүстік Кореядан келген Сон Ён Парк, Нилуфар Раимова (57 келі) үндістандық Неха Шарма, Тыныс Дүбек (62 келі) үндістандық Маниша, Гауһар Мұқатай (65 келі) вьетнамдық Дю Тон Лаимен күш сынасады.
Айта кетсек, әйелдер күресінен алғашқы жарыс күнінде қазақстандық балуандар жүлдеге қол жеткізе алмады.
Ел құрамасынан Светлана Анкичева (50 келі), Гүлдана Бекеш (59 келі), Ирина Казюлина (68 келі) қола үшін белдесуіне қарсыластарына есе жіберіп, жүлдеден тыс қалып қойды.
Ал Зүлфия Яхьярова (55 келі) мен Эльмира Сыздықова (76 келі) жарысты ертерек аяқтады.
Фото: olympic.kz
