Қазақстан ұлттық құрамасы Аустриядағы оқу-жаттығу жиынын бастады.
Қазақстандық футболшылар Кремс қаласында УЕФА Ұлттар лигасы аясында Аустрияға қарсы матчына дайындалып жатыр. Ал Аустрия – Қазақстан матчы 10 қазан күні Линц қаласы, «Райффайзен Арена» стадионында өтеді. Басталуы Астана уақытымен сағат 23:45-те.
Ұлттық құраманың Аустриядағы оқу-жаттығу жиынына бірнеше жаңа футболшы қосылды. Олар Жан Әли Пайруз, Андрей Ульшин, Ұлар Жақсыбаев және Әділбек Жұмаханов.
