Алматының «Қайрат» клубы мен Мадридтің «Реал» командасы арасындағы Чемпиондар лигасының топтық кезеңіндегі ойынға билеттер сатылымы 23 қыркүйек кешке басталды.
Билеттерді Kairat SuperApp, клубтың ресми сайты, сондай-ақ Ticketon және Freedom платформалары арқылы сатып алуға болады. Әрбір жанкүйер бір ЖСН бойынша тек екі билет ала алады. Құжаттар тексерісі матч өтетін күні стадион кіреберісінде жүргізіледі.
Билет бағасы:
-
Батыс стенд – 30 000 теңгеден (1–9-сектор, 1–2-жолдар) 250 000 теңгеге дейін (1–17-секторлар);
-
Шығыс стенд – 150 000 теңге (30–48 секторлар);
-
Солтүстік және Оңтүстік стендтер – 75 000 теңге (18–28 және 49–60 секторлар).
Ұйымдастырушылардың айтуынша, билет бағасы УЕФА-мен келісілген және «Қайраттың» Чемпиондар лигасының топтық кезеңінде өз алаңында өткізетін барлық ойынына бірдей болады.
