Иордания астанасы Амманда өтіп жатқан Азия чемпионатында Жәмилә Бақбергенова (72 келіге дейінгі салмақ дәрежесінде) финалға жолдама алып, Қазақстанға әйелдер күресінен алғашқы жүлдені әперді.
Жартылай финалда ол жапониялық балуан Масако Фуруичимен күресіп, 3:2 есебімен жеңіске жетті. Тартысты белдесу соңғы секундтарға дейін жалғасып, Жәмилә тактикалық шеберлігімен басымдықты сақтап қала алды.
Енді Бақбергенова алтын медаль үшін шешуші белдесу өткізеді. Финалдық кездесу 28 наурыз күні, Астана уақытымен 20:00-де өтеді.
Дереккөз: penalty.kz
Фото: liter.kz
