Қазақстандық боксшы Сабыржан Аққалықов (75 келіге дейін) Моңғолия астанасы Ұлан-Батырда өтіп жатқан Азия чемпионатында жеңімпаз атанды, – деп хабарлайды 7-su.kz ақпараттық порталы.
Финалда ол өзбекстандық Жавохир Абдурахимовпен қолғап түйістіріп, айқын басымдық көрсетті. Бірінші раундта 4:1 есебімен алға шыққан спортшы, кейінгі екі раундта да үстемдігін сақтап, төрешілер шешімімен 5:0 есебімен жеңіске жетті.
Осылайша, Сабыржан Аққалықов Қазақстан құрамасына Азия чемпионатындағы кезекті алтын жүлдені сыйлады.
Айта кетейік, бұған дейін Оразбек Асылқұлов (60 келіге дейін) алтын медаль жеңіп алса, Төрехан Сабырхан (70 келіге дейін) күміс жүлдегер атанған болатын.
