Жетісу облысында ана мен бала денсаулығын жақсарту мақсатында 2025 жылы облыстық перинаталдық орталықта ұрықты қорғау орталығы бөлімшесінде бір күндік клиника ашып, ұрық хромосомаларына инвазивті пренаталдық диагностика, генетикалық зерттеу жүргізуді бастау жоспарлануда. Ол хромосомалық ауытқуларды және басқа тұқым қуалайтын бұзылуларды анықтау үшін қолданылады.
Сарқан қаласында 16 қаңтар күні үш жасқа дейінгі балаларға арналған «Қамқорлық» оңалту орталығын ашу жоспарлануда. Онда Алакөл, Ақсу және Сарқан аудандарының балалары оңалтудан өтеді. Мұнда дамудың ерте кезеңдерінде балаларды кешенді оңалту жүргізілетін болады.
Бұл орталықта нейро ортопедиялық аурулары бар, оның ішінде церебральды сал ауруы бар балаларды оңалтудың үздік әлемдік әдістемелері мен заманауи тәсілдері енгізілетін болады. Бөлімшеде механотерапия, мантессори, ЕДШ, тұз, шунгит шахталары, эммерсиялық ванна, корвит, сенсорлық бөлме, иппотерапия, психолог, логопед және массажист кабинеті қызметтері көрсетіледі. Дәл осындай оңалту орталығы жыл соңында Талдықорған қаласында 6 жастан 18 жасқа дейінгі балаларға арналған облыстық балалар ауруханасының базасында ашылады.
