Қазіргі заманғы медицина әр түрлі жаңалықтарға толы: революциялық ашылулар, сенсациялық операциялар, қуатты препараттар, адамның өмірін ұзартуға және денсаулығын жақсартуға мүмкіндік беретін технологиялар және т.б. Бұл мақалада заманауи медицинаның ең керемет жетістіктері көрсетілген.
Портативті органдар
Бүйрек жеткіліксіздігі бұрын үкім болып саналатын, өйткені науқастар қанды тазартатын гемодиализ аппаратына байланған күйде уақыттарының жартысынан көбін өткізуі керек еді. Мартин Робертс пен Дэвид Ли адамға оңай қозғалуға мүмкіндік беретін және тәулігіне 24 сағат бойы қан тазартатын портативті бүйрек ойлап тапты.
Даун синдромын «өшіру»
Массачусетс университетінің ғалымдары Даун синдромының дамуына жауап беретін 21-ші хромосоманың қосымша көшірмесін «өшіре» алды. Тәжірибелер Іn Vitro-да жүргізілгенімен, бұл зерттеу үлкен маңызға ие. Болашақта бұл Даун, Патау, Эдвардс синдромдары бар адамдар үшін хромосомалық терапияны дамытуға көмектеседі. Зерттеу аясында мамандар Даун синдромы бар науқастың тері тіндерінен алынған бағаналы жасушаларды қолданды. Олар 21-ші хромосоманың қосымша көшірмесіне генетикалық «қосқыш» – XIST генін енгізді. Ғалымдар оның жұмысын доксициклин антибиотиктерімен реттей алды. Нәтижесінде 21-ші хромосоманың проблемалық көшірмесі жұмысын тоқтатты және ауру бағаналы жасуша сау болып өзгерді.
3-D принтерлер органдарды басып шығарады
Үш өлшемді баспа медицинаға байыпты және ұзақ уақытта келді, оның көмегімен адам өмірін сақтап, сыртқы келбетті қалпына келтіруге мүмкіндік туды. 3D принтерлерде басылған жасанды көздер мен сүйектер енді ғылыми фантастика емес, шындық. Американдық дәрігерлер тыныс алу жолдарының туа біткен ақауы бар нәрестенің өкпесін ауаға ашық ұстайтын 3D принтерде басылған кішкентай түтік арқылы имплантациялады. Имплантат баламен бірге өседі және оның ауа жолдары жеткілікті дамығаннан кейін еріп кетеді.
Медицинаның және дәрігерлердің маңызы қай уақытта болмасын, орасан зор болды. Жер жүзіндегі адамзат медицина саласындағы көптеген жаңалықтарға үміттенеді. Қазіргі заманғы медицина биология, физиология, биохимия, генетика, физика және инженерия ғылымдарына сүйенетіндіктен, оның жыл сайын күшейе түсетіндігіне күмән жоқ.
Аяна Ермуханбетова,
І.Жансүгіров атындағы Жетісу университетінің
4-курс студенті
Фото: adindex.ru
