Сарқандықтар үшін басты дақыл саналатын балтамырды жинау қыркүйектің 14-інен басталды.
Аудандық ауылшаруашылығы және жер қатынастары бөлімінің басшысы Жандос Өмірсадықтың ақпараты бойынша өңірде тәтті түбір өсірумен айналысатын 60 шаруа қожалығы бар. Олардың басым бөлігі балтамырды Ақсу ауданындағы қант зауытына тасып үлгерді. Бүгінге дейін 2 921 гектарға себілген қант қызылшасы жиналып, орташа өнімділік гектарына 566 центнерден айналуда.
Ауа райының құбылмалы болуына байланысты тәтті түбір жиналмай жатқан алқап иелері бұл істі жылдам атқаруға тырысуда. Шаруа қожалықтары биыл ауа райының қолайлылығын, жауын-шашынның мол болуын пайдаланып, өнім берекесін тасытуды көздеп отыр. Қант қызылшасын өсіруде тәжірибесі бар «Абылқасымов» шаруа қожалығының жетекшісі Нұрлан Абылқасымовпен сөйлескенімізде, ол күтімі келіскен қант қызылшасы алқабынан мол өнім алуға болатынын айтты
– Тәтті түбірді екінші жыл өсіргелі отырмыз. Биыл 220 гектарға қант қызылшасын егіп, одан 16 мың тонна өнім алып, Ақсу қант зауытына жөнелттік. Бұл дақылдың техникасына мемлекеттен 50 пайыз, сепкішке 50 пайыз субсидия алдық. Осындай қолдау өз кезегінде шаруа адамын ынталандырып, өнімділікті арттыруға мүмкіндік береді, – дейді Нұрлан Балтабекұлы.
Сарқан қалалық әкімдігінің бас маманы Тілеужан Әскербектің мәліметінше, қала бойынша 382 гектар егістік алқабына 5 шаруа қожалығы, 1 ЖШС қант қызылшасын сепкен. Қазір бәрі қазып алынды. Ол өнімді «Ақсу қант» зауытына өткізу жұмысы жүруде. Зауытқа қазір 1 шаруа қожалығы алған өнімдерін толық өткізсе, қалғаны өз кезегін күтуде. Қала бойынша осы уақытқа дейін өткізілген 16 мың тоннаға жуық тәтті түбірдің гектарына орташа өнімділігі 500-550 центнерді құрап отыр.
Жақсылық ЖОМАРТҰЛЫ Сарқан ауданыАудандық ауылшаруашылығы және жер қатынастары бөлімінің басшысы Жандос Өмірсадықтың ақпараты бойынша өңірде тәтті түбір өсірумен айналысатын 60 шаруа қожалығы бар. Олардың басым бөлігі балтамырды Ақсу ауданындағы қант зауытына тасып үлгерді. Бүгінге дейін 2 921 гектарға себілген қант қызылшасы жиналып, орташа өнімділік гектарына 566 центнерден айналуда.
Ауа райының құбылмалы болуына байланысты тәтті түбір жиналмай жатқан алқап иелері бұл істі жылдам атқаруға тырысуда. Шаруа қожалықтары биыл ауа райының қолайлылығын, жауын-шашынның мол болуын пайдаланып, өнім берекесін тасытуды көздеп отыр. Қант қызылшасын өсіруде тәжірибесі бар «Абылқасымов» шаруа қожалығының жетекшісі Нұрлан Абылқасымовпен сөйлескенімізде, ол күтімі келіскен қант қызылшасы алқабынан мол өнім алуға болатынын айтты
– Тәтті түбірді екінші жыл өсіргелі отырмыз. Биыл 220 гектарға қант қызылшасын егіп, одан 16 мың тонна өнім алып, Ақсу қант зауытына жөнелттік. Бұл дақылдың техникасына мемлекеттен 50 пайыз, сепкішке 50 пайыз субсидия алдық. Осындай қолдау өз кезегінде шаруа адамын ынталандырып, өнімділікті арттыруға мүмкіндік береді, – дейді Нұрлан Балтабекұлы.
Сарқан қалалық әкімдігінің бас маманы Тілеужан Әскербектің мәліметінше, қала бойынша 382 гектар егістік алқабына 5 шаруа қожалығы, 1 ЖШС қант қызылшасын сепкен. Қазір бәрі қазып алынды. Ол өнімді «Ақсу қант» зауытына өткізу жұмысы жүруде. Зауытқа қазір 1 шаруа қожалығы алған өнімдерін толық өткізсе, қалғаны өз кезегін күтуде. Қала бойынша осы уақытқа дейін өткізілген 16 мың тоннаға жуық тәтті түбірдің гектарына орташа өнімділігі 500-550 центнерді құрап отыр.
Жақсылық ЖОМАРТҰЛЫ
