World Space Olympiad робототехника бойынша инженерлік турнирде Талдықорған қаласының Назарбаев зияткерлік мектебінің оқушылары жүлделі орындарға ие болды.
алалар Марста сутегі өндіретін және айдағы үңгірлерді зерттейтін роботтарды ойлап тапты. Ауқымды чемпионат Алматы қаласындағы әл-Фараби атындағы ҚазҰУ базасында өтті. Онда еліміздің түкпір-түкпірінен жиналған үздік жас робототехниктер бас қосты. 12-сынып оқушысы Алика Ақылбекова Марста сутегі өндіруге арналған роботтың «Elon Musk» жобасын ұсынды.
Әзірлеушінің айтуынша, болашақта айды немесе Марсты отарлау кезінде ресурстарды өндіру мәселесі өзекті болады. Ең маңызды ресурс – су, одан отын ретінде оттегі де, сутегі де алуға болады. Әзірлеушінің айтуынша, болашақта Айды немесе Марсты колонияландыру кезінде ресурстарды өндіру мәселесі өзекті болады. Маңызды ресурс – бұл су, одан оттегіні де, сутегіні де отын ретінде алуға болады. Бұл жоба – реголитті қазу және мұзды суды қажетке жарату үшін тасымалдайтын автономды жұмысқа арналған және төмен салмақты гравитациялық жүйесі бар робот экскаватор. Жоба 1-орынды иеленді.
12-сынып оқушылары Едіге Болатбекұлы мен Әли Қасым Ай мен Марстағы үңгірлерді зерттеуге арналған роботты таныстырды. Жас робототехниктердің айтуынша, Марс пен Айдың үстіңгі қабатын орбиталық зерттеу кезінде шұңқырлар мен болжамды лава үңгірлерінің бар екені анықталған. Яғни, бұл колонизациялау кезінде ондағы өмірді анықтау үшін үлкен маңызға ие. Сондай-ақ, үңгірде зиянды дүниелер өте төмен. Аталған жоба осы үңгірлерді зерттеуге арналыпты. Роботтың үңгірге жету үшін қонатын жылжымалы платформасы бар. Турнир нәтижесі бойынша бұл жоба 2-орын алды.
Ал World Space Olympiad – техникалық университеттер базасында 5-12-сынып оқушыларына арналған CanSat және Inventors екі санатты инженерлік жарыс өтті. CanSat санатында мектеп оқушылары борттық компьютермен зымырандар жасап, аспанға ұшырды. Ал Inventors санатында олар жердегі жаһандық мәселелерді шешуге бағытталған жобаларды көрсетті. Соңында ұйымдастырушылар аэроғарыш өнеркәсібі белсенді дамып келе жатқанын және Қазақстанның әлемнің түкпір-түкпірінен инженерлік қызметті ерекше ынта-ықыласпен атқаратын адамдарды тартатын орталыққа айналғанын қалайтынын сөз етті.
Айгүл БАЙЖҰМАҚЫЗЫ
Талдықорған қаласы
