Бұл туралы 7-su.kz ақпараттық порталы Forbes.kz-ке сілтеме жасап хабарлайды.
Kaspi.kz қаңтар–наурыз аралығындағы қаржылық көрсеткіштерін екі түрде ұсынды: Түркиядағы бизнесін қоса есептегенде және қоспағанда. Түркияны есепке алмағанда, компанияның үш айдағы валдық табысы 685 млрд теңгеге жетіп, жылдық өсім 21%-ды құраған. Ал Түркияны қоса есептегенде табыс 834 млрд теңге болды. Дегенмен таза пайда Түркиясыз 260 млрд теңге болса, Түркиямен 254 млрд теңге болып, 6 млрд теңгеге кеміген.
Бұл айырмашылықтың себебі – Kaspi.kz-тің Түркияда басым үлеске ие (65,41%) Hepsiburada маркетплейсі. Компания Түркиядағы тұтынушылар арасындағы саяси бойкоттар мен несие өнімдеріне ерте кезеңде жасалған инвестициялардан шығынға ұшырағанын атап өтті. Бойкоттар маркетингтік белсенділікті төмендетіп, тұтынушылар тарапынан қызығушылықтың бәсеңдеуіне алып келген.
2025 жылдың алғашқы үш айында Hepsiburada табысы 7,9%-ға азайып, 14,4 млрд түрік лирасына дейін түскен (өткен жылы – 15,6 млрд лира). Таза шығын көлемі 355,1 млн лираны құрап, 2024 жылғы шығыннан екі есеге жуық артқан (180,5 млн лира). Тапсырыстар саны 18,9%-ға азайып, 29,3 млн-нан 23,8 млн-ға төмендеді. GMV (жалпы тауар айналымы) 50,1 млрд-тан 42,7 млрд лираға азайған – бұл 14,8%-дық төмендеу.
Kaspi.kz өз есебінде Түркиядағы Rabobank A.Ş банкін сатып алу процесі жүріп жатқанын және финтех өнімдеріне 2025 жылы 300 млн доллар инвестиция салатынын хабарлады. Бұл мақсатта компания 2025 жылдың 26 наурызында Лондон қор биржасы (LSE) және Астана халықаралық биржасында (AIX) 5 жылдық мерзімге 650 млн долларлық еурооблигациялар орналастырмақ (жылдық купон – 6,250%).
Rabobank A.Ş сатып алу туралы мәміле 2025 жылдың екінші жартысында аяқталуы мүмкін. Алайда қазіргі таңда мәміле жабылуы үшін қажетті құжаттар мен рұқсаттар күтілуде. Сатып алу құны әлі жарияланған жоқ.
2025 жылғы 1 сәуірдегі жағдай бойынша Kaspi.kz акционерлік құрылымы мынадай:
-
Михаил Ломтадзе – 22,51%
-
Вячеслав Ким – 21,32%
-
Baring Funds – 24,43%
