Ұлттық экономика министрінің орынбасары Азамат Әмрин қосымша құн салығы мөлшерлемесі 16 пайыз болса, жалақы бағасы қалай өзгеретінін айтты.
Бұл бағытта шамамен 800 млрд теңге бөлеміз. Әлеуметтік-экономикалық даму болжамына сәйкес, базалық инфляция деңгейі 7-8% аралығында белгіленген. Сонымен қатар қосымша 3% инфляция болатынын болжап отырмыз. Нәтижесінде, жалпы инфляция деңгейі шамамен 11% болмақ. Біз жыл сайын инфляцияны ескеріп индекстеу жүргізіп келеміз. Бұл жолы қосымша 3% инфляцияны индекстейміз. Сондықтан айлық, зейнетақы және жәрдемақыларға қосымша 3% индекстеу жасалады, — дейді Азамат Әмрин.
Әмрин алдағы екі күнде ҚҚС мөлшерлемесі туралы ұсыныстар Парламентке ұсынылатынын айтты.
Мемлекет басшысының тапсырмасы бойынша 6 жұмыс тобы бүкіл өңірлерді аралап, бизнеспен, кәсіпкерлермен кездесіп шықты. Сол кездесулерде айтылған ұсыныстарды қазір талдап жатырмыз. Бүгін-ертең ұсыныстарды Парламентке енгіземіз, — деді министрдің орынбасары.
Дереккөз:baq.kz
Фото: gov.kz
