2024 жылғы 6 қазанда республикалық референдум өткізу туралы
Қазақстан Республикасы Президентінің Жарлығы
Қазақстан Республикасы Конституциясының 44-бабының 10) тармақшасына және «Респуб ликалық референдум туралы» Қазақстан Республикасы Конституциялық заңының 18-бабына сәйкес ҚАУЛЫ ЕТЕМІН:
1. 2024 жылғы 6 қазанда республикалық референдум өткізілсін.
2. Республикалық референдумға: «Сіз Қазақстанда атом электр станциясын салуға келісесіз бе?» деген сауал шығарылсын.
3. Осы Жарлық 2024 жылғы 3 қыркүйекте бұқаралық ақпарат құралдарында ресми түрде жариялансын.
4. Республикалық референдумды ұйымдастыру мен өткiзу референдумның орталық комис сиясының қызметін атқаратын Қазақстан Республикасының Орталық сайлау комиссиясына, сондай-ақ, референдумның аумақтық және учаскелiк комиссияларының қызметiн атқаратын аумақтық және учаскелiк сайлау комиссияларына жүктелсiн.
5. Қазақстан Республикасының Үкіметі Қазақстан Республикасының Орталық сайлау ко миссиясымен, Қазақстан Республикасының басқа да орталық мемлекеттік органдарымен және жергілікті атқарушы органдарымен бірлесіп республикалық референдумды ұйымдастыру мен өткізу бойынша қажетті шараларды қабылдасын.
6. Осы Жарлық қол қойылған күнінен бастап күшіне енеді.
Қазақстан Республикасының Президенті Қ. ТОҚАЕВ
Астана, Ақорда, 2024 жылғы 2 қыркүйек № 636
2024 жылғы 6 қазанға тағайындалған
республикалық референдумды әзірлеу мен өткізу жөніндегі
негізгі іс-шаралардың күнтізбелік жоспарын бекіту туралы
«Республикалық референдум туралы» Қазақстан Республикасы Конституциялық заңының 21-бабы 1-тармағының 1) және 2) тармақшаларына сәйкес және «2024 жылғы 6 қазанда республикалық референдум өткізу туралы» Қазақстан Республикасы Президентінің 2024 жылғы 2 қыркүйектегі № 636 Жарлығы негізінде Қазақстан Республикасының Орталық референдум комиссиясы ҚАУЛЫ ЕТЕДІ:
1. 2024 жылғы 6 қазанға тағайындалған республикалық референдумды әзірлеу мен өткізу жөніндегі негізгі іс-шаралардың қоса беріліп отырған күнтізбелік жоспары бекітілсін.
2. Аумақтық референдум комиссиялары республикалық референдумды әзірлеу мен өткізуді қамтамасыз етсін.
3. Осы қаулы Қазақстан Республикасы Орталық референдум комиссиясының интернет-ресурсында орналастырылсын.
Төраға Н. ӘБДІРОВ
Хатшы М. ЕРМАН
Астана қаласы 2024 жылғы 3 қыркүйек № 38/42
Қазақстан Республикасы
Орталық референдум комиссиясының
2024 жылғы 3 қыркүйектегі
38/42 қаулысымен бекітілген
2024 жылғы 6 қазанға тағайындалған республикалық
референдумды әзірлеу мен өткізу жөніндегі негізгі
іс-шаралардың күнтізбелік жоспары
Жетісу облысының аумақтық референдум комиссиясының құрамын,
орналасқан жері және жұмыс уақыты туралы хабарлама
«Республикалық референдум туралы» Қазақстан Республикасы Конституциялық заңының 6-бабы 3-тармағына, «2024 жылғы 6 қазанда республикалық референдум өткізу туралы» Қазақ стан Республикасы Президентінің 2024 жылғы 2 қыркүйектегі №636 Жарлығына, «2024 жылғы 6 қазанға тағайындалған республикалық референдумды әзірлеу мен өткізу жөніндегі негізгі іс-шара лардың күнтізбелік жоспарын бекіту туралы» Қазақстан Республикасының Орталық референдум комиссиясы 2024 жылғы 3 қыркүйектегі №38/42 қаулысына сәйкес Жетісу облысының аумақтық референдум комиссиясының құрамын, орналасқан жері және жұмыс уақытын хабарлаймыз.
Жетісу облысының аумақтық референдум комиссиясы
Орналасқан жері: Жетісу облысы, Талдықорған қаласы, Абылайхан көшесі,113, тел.: 8-(7282)-41-10-25.
Электрондық пошта: tic_zht_obl@saylau.kz
Комиссия төрағасы: Даутов Тимур Ермекұлы
Комиссия төрағасының орынбасары: Сабитов Ержан Мұратұлы Комиссия хатшысы: Интенгенов Замир Рафикович
Комиссия мүшелері: Айхимбекова Ботагөз Серікқызы, Албанбекова Мадина Дарханқызы, Бейсенов Самат Сұлтанбекұлы, Нургалиева Меруерт Жайыққызы.
Аумақтық референдум комиссиясының жұмыс уақыты 09.00-18.30, үзіліс 13.00-14.30
Жетісу облысының аумақтық референдум комиссиясы
