Бүгінде елде базалық құрылыс материалдарының өндірісі дамыған. Оларды қазір түрлі нысан салуға пайдаланады.
«Jetisy Prod» ЖК компаниясы 2021 жылдан бастап сплитер блоктарын өндірумен айналысады. Бұл бөлгіш блоктар саяжай үйлерін, гараждарды, ферма ғимараттарын және жеке аумақ айналасындағы қоршауларды салуға қолданылады. Бұдан басқа компания қала тұрғындары мен аймаққа қарасты жақын аудандарда үлкен сұранысқа ие әртүрлі және әр түсті жерге төсейтін кірпіштер шығарады.
«Forte Bank» АҚ-ға сплитер блоктарын өндіру желісін сатып алуға қаржылану үшін жүгінген кәсіпкер 2023 жылы «Даму» қорының субсидиялау және кепілдік беру құралдарын пайдалана отырып, «Кәсіпкерлікті дамыту жөніндегі 2021 – 2025 жылдарға арналған ұлттық жоба» бағдарламасы шеңберінде несие алды. Нәтижесінде қазір кәсібін жүргізіп, жұмысын жандандыруда.
А. Ыбырай
Талдықорған қаласы
