Президент Қасым-Жомарт Тоқаев Ауылшаруашылығы еңбеккерлерінің бірінші форумына қатысып, сөз сөйледі.
Бұл форумға мен де қатысып қайттым. Мемлекет басшысы ауыл- шаруашылығына қатысты көптеген мәселені көтерді. Президент алдымен елімізде тың игеру науқаны басталғанына 70 жыл толуымен тұспа-тұс келіп отырғанын атап өтті. Сонымен бірге ол тың игеру науқанының түрлі салдары болғанына қарамастан ауылшаруашылығы саласында көптеген оң өзгеріс жасалғанын, Қазақстан аз уақыт ішінде әлемдегі астықты елдердің біріне айналғанын атап өтті.
Осындай тамаша нәтиже көрсеткен диқандарға шынайы алғысын білдірген Мемлекет басшысы аталған жүйелі жұмыстардың нәтижесінде инфляция деңгейі төмендеп, ұлттық экономика өсімінің биылғы қаңтар-қазан айларында 4 пайыздан асқанын жеткізді. Ендігі мақсат – ауылша руашылығының дамуына одан әрі серпін беру. Сондықтан біз бүгінгі оң көрсеткіштерге тоқмейілсімей, агроөнеркәсіп кешенін өрістете түсуіміз керек.
Осыған байланысты Қасым-Жомарт Кемелұлы агроөнеркәсіп кешенін қаржыландыруды жүйелі жүргізу, саланы индустрияландыруды белсенді түрде жалғастыру, ауыл- шаруашылығы ғылымын өркендету, селекция мен тұқым шаруашылығын жандандыру, озық технологияларды енгізу, ауылшаруашылығы техникасының қолжетімділігін арттыру және агроөнеркәсіп саласының экспорттық әлеуетін күшейту мәселелерін қозғады.
Ендігі кезекте біз, яғни, ауыл- шаруашылығы саласында еңбек етіп жүрген мамандар мен диқандар Президенттің айтқандарын орындап, саланы өркендетуге бәріміз бірдей күш салуға тиіспіз.
Шолпан ТОЛЫБАЕВА,
«Нұрқадам» шаруа
қожалығының мүшесі
Кербұлақ ауданы
