«Қазгидромет» синоптиктері 17 қазан, жұма күніне арналған ауа райы болжамын жариялады, деп хабарлайды 7-su.kz ақпарттық порталы.
Болжам бойынша, еліміздің көпшілік аумағында ауа райы ашық әрі жауын-шашынсыз болады. Тек батыс пен солтүстік-батыс өңірлерде атмосфералық фронттардың әсерінен жаңбыр мен қар түрінде жауын-шашын күтіледі. Сонымен қатар республика бойынша желдің күшеюі байқалады, ал батыста тұман түседі.
Түнгі суық:
Жетісу облысында температура -4…-9°С дейін төмендейді, ал Алматы облысының солтүстігі мен оңтүстігінде -1…-6°С дейін үсік жүреді. Кей аймақтарда қар жаууы мүмкін.
Өрт қаупі жоғары аймақтар:
«Қазгидромет» дерегінше, еліміздің бірқатар өңірінде жоғары және ерекше жоғары өрт қаупі сақталады.
Бұл қауіп келесі аймақтарға тән:
-
Маңғыстау, Атырау (солтүстік-шығыс бөлігі),
-
Ақтөбе (оңтүстік және шығыс бөлігі),
-
Жамбыл (орталығы), Қызылорда (солтүстік және орталық бөлігі),
-
Алматы облысының батысы,
-
Қостанай мен Ақмола (оңтүстік-батысы),
-
Ұлытау (шығысы мен орталығы),
-
Абай облысының оңтүстігі.
Әсіресе Қызылорда, Түркістан, Атырау, Жамбыл, Ақтөбе, Алматы, Қостанай, Батыс Қазақстан және Ұлытау облыстарының кей бөліктерінде өрт қаупі өте жоғары деңгейде.
