Қазақстанның Еңбек сіңірген қайраткері Қалдыбек Құрманәлі «Сұрауы бар» арнасында қоғамда трендке айналған психологтар туралы сөз қозғады, деп хабарлайды 7-su.kz желілік басылымы.
Қалдыбек Құрманәлі 3 байға шығып, жұртқа ақыл айтатын психологтардың жүйкесін тексеру керек деп есептейді.
Бүгінде өзі 3 байға шығып, отбасы құндылықтары туралы айтатын психологтар шықты. «Сен күйеуіңнің киімін жума, тамақ істеп берме, өзі істесін, сен өзіңді күт, сен — тұлғасың» дегенге ақша төлеп, қатысады екен. Зейнеп Ахметова сияқты қазақтың салт-дәстүрі, ұлттық құндылықтары туралы әңгіме айтып отырса, түсінер едім. Көргені бар, атақты Бауыржан Момышұлының келіні. Сондай Аягүл Миразова секілді адамдар ұлт төңірегінде әңгіме айтып отырса мен түсінер едім. Мыналардың жұрт білетін 3 байы бар, құдай, тілім жазықты болмасын, сөйте тұра отбасы құндылықтарын айтады. Айналайын-ау, жүрегімді айнытпаңдаршы дейммін. Ондай психологтардың өзінің психикасын тексеру керек, жүйкесі ауыратын аурухана бар ғой. Сонда барып, бір тексеріп алу керек, — деді Қалдыбек Құрманәлі.
Дереккөз: El.kz
Фото: Видеодан кадр
