Жаңа Threads әлеуметтік желісіне аз уақыт ішінде 70 миллионнан аса қолданушы тіркелген, деп хабарлайды 7-su.kz желілік басылымы Massaget.kz сайтының дерегіне сүйеніп.
Бұл туралы Meta компаниясының директоры Марк Цукерберг айтты.
«Бүгінгі таңертеңгі жағдай бойынша Threads-те 70 миллион жазылушы. Біздің күткенімізден әлдеқайда асып түсті», — деді ол парақшасында екі күн бұрын.
Айта кетейік, әлеуметтік желіде шағын посттар жазуға, оларға пікір білдіруге, лайк басуға және репост жасауға болады. Қолданба Instagram-ға негізделген және қолданушыларға бұрынғы парақшасы арқылы қосылуға мүмкіндік береді.
