Ақсу аудандық кітапханасының ұйымдастыруымен тұңғыш рет екі күнге жалғасқан «Аksu, book fest-2024» кітап жәрмеңкесі бүгін басталды.
Шараның ашылу салтанатында Ақсу ауданы әкімінің орынбасары Күләйхан Дәулетбекова алғы сөзін айтып, ізгі тілегін жолдады. Жиын барысында ақсақалдар алқасының төрағасы Амантай Айтпайұлы, «Матай-бөрібай» қорының төрағасы Берікбол Қасымов, ақын Ербол Оразбеков те тілектерін айтты. Онда жазушымы Батқалбек Нұртілеудіңң «Арасаным ардағым» атты кітабының тұсауы кесілді.
Сонымен қатар «Кітапханаға кітап сыйла» акциясының аясында ақын Е.Оразбеков «Өлеңім менің өмірім», «Бөрібай батыр», «Есімі ұранға айналған», «Бөрібай батыр-тарихи тұлға» және де зерттеуші Ерден Нұрахмет т.б оқырмандар жалпы 100 ге жуық кітаптарын кітапхана қорына тарту етті.
Жәрмеңкеге Алматы қаласынан «ZIYAT» баспасы, Талдықорған қаласынан «Мазмұндама», «Марфу пресс» баспасы, «Байлық кітапта», «Кітап кемелдену» кітап дүкендері: қазақ көркем, балалар, шетел әдебиеті, психология, бизнес, мотивациялық, ғылыми-танымдық және рухани т.б тақырыптағы жалпы саны 500-ге жуық кітаптарды сөреге қойып, қол жетімді бағада оқырмандарға ұсынды.
Іс-шараға 100-ден аса оқырман қатысты. Естеріңізге сала кетейік жәрмеңке екі күнге жалғасады. 7-ақпан күні, яғни ертең жаңа кітаптармен толыққан жәрмеңкемізді келіп, тамашалап қалаған кітаптарыңызды ала аласыздар.
«Жетісу-Ақпарат»
