Облыс орталығы Талдықорған қаласындағы жарық шамдар мен жол жиегіндегі қиранды ағаштар қала әкімінің көңілінен шықпады.
Қала басшысы Ернат Бәзіл алғашқы тексерісті Алматы мен Өскемен арасындағы тас жолдың жарықтарын жағдайын көруден бастады. Екі қаланы жалғап жатқан тас жолда істен шыққан жарық шамдары мен шетінде құлап жатқан ағаштарын ретке келтіру тапсырылды.
«Түнде жолға көп шығамын, жол үстіне мал шығып қалама деп алаңдаймын, жиекте жағалай орналасқан жарық шамдар бір өшіп бір жанып көзді ауыртады», — дейді қала тұрғыны Арман Кенесов.
Кейінірек қала әкімі шаһар ішіндегі жарықпен қамтылмаған көшелерді аралап, жауапты қызметкерлерге жоба ұсынып, назардан тыс қалып қалған көшелерге жарық жүргізу керектігін айтты.
«Құрманов көшесіндегі жарық шамдардың пайдасы жоқ. Қала орталығына жақын болғанымен, өсіп тұрған ағаштар жарықтын жолға түсуіне кедергі келтіріп тұр. Ескі шамдарды ауыстыратын уақыт болды деп ойлаймын», — дейі қала тұрғыны Назира Темирбекова.
Мұрат КҮМІСБЕК,
ЖУ студенті
Фото: видеодан алынған кадр
