«Қазгидромет» синоптиктері 19, 20 және 21 ақпанға арналған ауа райы болжамын ұсынды, – деп хабарлайды 7-su.kz ақпараттық порталы.
Мамандардың айтуынша, биыл қыс Қазақстанның оңтүстік өңірлерінде әдеттен тыс жылы болып тұр. Алайда алдағы күндері ауа райы күрт суытады.
Оңтүстік арқылы жылжитын суық ауа массалары жаңбыр мен қарды алып келеді. Кейбір аудандарда жауын-шашынның мол түсуі ықтимал. Сонымен қатар, жел күшейіп, көктайғақ пайда болуы мүмкін.
Ауа температурасы да айтарлықтай төмендейді: күндіз де, түнде де термометр бағаны 2-7 градусқа дейін түседі.
