«Қазгидромет» 19-21 тамызға арналған ауа райы болжамын жариялады, деп хабарлайды 7-su.kz ақпараттық порталы.
Синоптиктердің мәліметінше, алдағы күндері батыстан шығысқа қарай жылжып келе жатқан солтүстік-батыс циклонының әсері сақталады. Соның салдарынан еліміздің көптеген өңірінде көшпелі бұлт шығып, найзағай ойнайды, жаңбыр жауады, күндізгі уақытта бұршақ түсуі мүмкін. Жел күшейіп, кей жерлерде тұман түседі.
19 тамызда батыс пен шығыста, 20-21 тамызда солтүстік-батыста, ал 21 тамызда солтүстік өңірлерде қатты жаңбыр күтіледі. Ал оңтүстік облыстарда антициклон ықпалымен негізінен ашық әрі құрғақ ауа райы болады.
Ауа температурасына келсек, солтүстік аймақтарда салқындайды: түнде +10…+17 °C, күндіз +17…+25 °C. Шығыста түнде +5…+15 °C, күндіз +22…+29 °C шамасында болады. Қалған өңірлерде температура айтарлықтай өзгермейді.
