Бүгін Алматы облысы әкімінің өкімімен Алматы облыстық ішкі саясат басқармасының басшысы болып Ғалиасқар Сарыбаев тағайындалды.
Ғалиасқар Төлендіұлы 1963 жылы туған. Қазіргі әл-Фараби атындағы Қазақ ұлттық университетін және Қазақ еңбек және әлеуметтік қатынастар академиясын бітірген. Мамандығы — механик, заңгер.
Еңбек жолын Павлодар трактор зауытында инженер-конструктор болып бастаған. Әр жылдарда Кербұлақ ауданында, жергілікті атқару органдарында жауапты қызметтерде болды.
Атап айтқанда, Ы.Алтынсарин атындағы орта мектептің директоры, Кербұлақ аудандық жастар ісі, туризм және спорт бөлімінің басшысы, Кербұлақ ауданы әкімі аппаратының ұйымдастыру және кадр жұмысы бөлімінің бас маманы, бөлім меңгерушісі, «Отан» қоғамдық ұйымының орталық кеңесі төрағасының орынбасары, Алматы облысының қоғамдық келісім және ақпарат басқармасының бөлім бастығы, ішкі саясат басқармасы бастығының орынбасары, Талдықорған қаласы әкімінің орынбасары, облыстық ішкі саясат басқармасының бастығы, «Nur Otan» партиясы Алматы облыстық филиалы төрағасының бірінші орынбасары, Алматы облысы әкімінің кеңесшісі қызметтерін атқарды.
2020 жылдың қаңтарынан бүгінге дейін Алматы облысы әкімі аппаратының әдеп жөніндегі уәкілі болды. Еске сала кетейік, Ғалиасқар Сарыбаев Алматы облыстық ішкі саясат басқармасына бұған дейін де жетекшілік еткен.
«ЖЕТІСУ-АҚПАРАТ»
