Соңғы тәулікте Алматы облысында коронавирустың 270 жағдайы тіркелді. Індеттің өсу қарқыны 0,9 пайызға жетті. Індет жұқтырғандардың ішінде балалар да бар. Бұл туралы «Жетісу» газеті хабарлады.
Коронавирус анықталған 270 жағдайдың 40-ы 14 жасқа дейінгі балалар (14,8 пайыз). Оқушылар арасында 26 жағдай және студенттер арасында 7 жағдай анықталды.
Облыстағы аудан-қалаларға жекелей тоқталсақ, Алакөлде — 15, Балқашта – 4, Еңбекшіқазақта — 25, Ескелдіде – 1, Жамбылда – 12, Іледе — 35, Қарасайда — 42, Қараталда — 15, Көксуда – 4, Панфиловта – 14, Райымбекте – 1, Сарқанда – 4, Талғарда – 30, Ұйғырда – 7, Талдықорғанда – 58, Текеліде — 3 адамнан вирус табылған.
Бүгінгі мәліметке сүйенсек, стационардан 80 пациент шығарылды, үйдегі оқшаулаудан 10 адам алынды.
«ЖЕТІСУ-АҚПАРАТ»
Сурет — ғаламтордан
