Жетісу облыстық ТЖД қызметкерлері биылғы қардың қалың түсуіне байланысты көктемгі су басу қаупіннің алдын алу шарларын бастап кетті.
Құтқарушылар Талдықорған қаласындағы жер үйлерде тұратын аймақ тұрғындарының аулаларын, арықтарды және су арналарын сондай-ақ, қар көп жиналған жерлерді тазалап, арнайы жүк көліктерімен шығаруда. Мұндағы мақсат — еріген қар суының еркін ағуын қамтамасыз етіп, су басу қаупін азайту.
– «Сақтықта қорлық жоқ» деген. Жалпы қар тазалау – қауіпті азайтады. Қазір құтқарушы жасақтар аймақтағы әлеуметтік жағынан аз қамтылған жанұядағылардың, қарт адамдар мен мүмкіндігі шектеулі жандардың жағдайына баса көңіл бөліп, қарын тазалап, тиісті көмек көрсетуде. Аумақты ақ ұлпадан тазарту жұмыстары бұдан былай да тұрақты түрде жалғаса береді. Сонымен қатар біздің мамандар қандай да бір өзгерістер бола қалса жедел әрекет етуге дайын, — дейді сала басшысы.
Өз кезегінде өңір тұрғындары қызметкерлерге шынайы алғыс айтып, ризашылығын білдірді.
Айдын КӘЛІМХАН
