Полиция өкілдері Қаскелең қаласындағы кейбір дүкендердің алкоголь өнімдерін сату ісін тоқтатты. Бұл жайында Алматы облысының полиция департаменті хабарлады.
Бірқатар дүкендер алкоголь өнімдерін сатуда лицензиясыз жұмыс істеген. Атап айтсақ, Қарасай аудандық полиция басқармасы ЖПҚБ ювеналды полиция тобының қызметкерлері «Құқықтық тәртіп» жедел-алдын алу іс-шарасы аясында дүкендердің бірінде алкоголь өнімін лицензиясыз сату дерегін анықтаған.
Осыған байланысты, дүкенді жалдап отырған Қаскелең қаласының 50 жастағы тұрғынына тәртіп сақшылары ҚР Әкімшілік құқықбұзушылық кодексінің 200-бабы, 3-бөлігіне сәйкес алкоголь өнімін сату бойынша Қазақстан Республикасы заңнамасының талаптарын бұзғаны үшін жауапкершілік қарастыратын әкімшілік хаттама толтырды.
Акт толытырылып, заңсыз сатылатын алкоголь өнімдерін тәркілеу үшін полиция қызметкерлері арнайы хабарлама дайындап, мемлекеттік кірістер бөліміне жіберді. Тәртіп бұзушыны әкімшілік жауапкершілікке тарту үшін іс Қарасай ауданының мамандандырылған ауданаралық әкімшілік сотына тапсырылды.
«ЖЕТІСУ-АҚПАРАТ»
