Алматы облысында жол апатынан тағы екі адам мерт болды. Үш адам зардап шекті. Бұл жайында «Жетісу» газеті хабарлады.
Оқиға «Алматы — Көкпек — Көктал» тас жолында болған.
— Алматы-Көкпек-Көктал тасжолының 167-нші шақырымда «Ауди» мен «Лексус» көліктері соқтығысты. Алдын ала болжам бойынша «Ауди» көлігінің жүргізушісі алдындағы көліктен озып өтпек болып, қарсы бағытқа шығып кеткен. Салдарынан екі адам мерт болды. Тағы үш адам түрлі дене жарақатымен ауруханаға жеткізілді, — деп мәлімдеді Алматы облысының тәртіп сақшылары. Қазір осы факт бойынша соталды тергеу жүріп жатыр.
«ЖЕТІСУ-АҚПАРАТ»
Сурет — ғаламтордан
