Жетісу облысының жұмыспен қамтуды үйлестіру және әлеуметтік бағдарламалар басқармасына қарасты Аутизм және басқа да менталды бұзылулары бар балаларға арналған күндізгі болу орталығы былтыр ауқымды жұмыс атқарды.
Аталмыш орталық 2023 жылы обалық қуаты 125 қызмет алушыға есептеліп ашылды.
Орталыққа аутизм және басқа да менталды бұзылулары бар, ерте, мектепке дейінгі және мектеп жасындағы 1,5 жастан 18 жасқа дейінгі мүгедектігі бар балалар қабылданады.
Баланы дамыту бағдарламасы дефектолог, логопед, психолог, еңбек нұсқаушысы, дене шынықтыру және емдік дене шынықтыру нұсқаушылары және т. б. мамандар өткізетін сабақтарды қамтиды.
Орталықта психолог, логопед, дефектолог кабинеттері, жеке және топтық сабақтарға арналған АВА кабинеттері, конференц-зал, музыка кабинеті, арт-терапия кабинеті, оқу-әдістемелік бөлмесі қарастырылған. Медициналық блок бойынша: психиатр, невропатолог, педиатр, Галотерапия кабинеті (тұзды шахта), БАК терапия, медициналық кабинет, массаж, емдік дене шынықтыру залы қарастырылған. Қазіргі уақытта 125 қызметкер жұмыс жасайды.
Оңалту іс-шараларын алу кезінде әлеуметтік қызмет алушыларды бейімдеу негізінен сәтті өтуде, өйткені орталықта қолайлы, мейірімді атмосфера құрылған. Мамандардың білікті жұмысы, балаларға деген сүйіспеншілігі, ақпарат алмасу, өзара көмек көрсетілетін әлеуметтік қызметтердің жоғары сапасын қамтамасыз етеді.
2024 жылы 5 бала мектепке және нормотиптік балабақшаға 4 бала барды. Орталықта жеке және топтық сабақтар өтеді. Жеке және топтық коррекция, қызмет алушылардың мінез-құлқындағы немесе эмоциялық жағдайындағы ауытқуларды жеңілдету немесе жоюға бағытталған.
Қызмет алушылардың танымдық процестерінің дамуында (қалыпты есте сақтау, зейін, ойлау) жақсы динамика байқалады. Эмоциялық-ерік саласында оң өзгерістер орын алды: көңіл-күй тұрақтылығы, эмоцияларын бақылау байқалады. Ұсақ моторика мен тактильді сезімталдықтың дамуында да оң динамика байқалады: тапсырмаларды орындау, педагогтың бақылауымен ережелерге сай әрекеттер жасау. Кейбір балаларда саналы сөйлеу дағдысы пайда болды. Психикалық процестерде де оң өзгерістер байқалады: қарапайым пішіндерді тану, білу, түстерді сәйкестендіру, зейінді шоғырландыру. Қызмет алушылардың коммуникативті дағдыларын дамытуда да оң өзгерістер байқалады: байланысқа түсу, өзара әрекеттесуге және көру арқылы бақылау. Көптеген балалар жаңа әлеуметтік жағдайға бейімделді, өзара әрекеттесуде жағымды эмоциялар көрсетеді.
Қазіргі уақытта орталықтан 124 бала қызмет алуда.
«Жетісу-Ақпарат»
