Жетісу облысы білім басқармасы «Жетісу дарыны» облыстық дарынды балалар мен талантты жастарды анықтау және қолдау оқу-әдістемелік орталығы жасөспірімдер арасында Бейсен Құранбек атындағы облыстық шығармашылық байқауын ұйымдастырды.
Байқаудың мақсаты – мектеп оқушыларының арасынан шығармашылық, интеллектуалдық қабілеті бар, сөз мәдениеті дамыған, журналист, тележүргізуші, публицист және жазушы болғысы келетін дарынды оқушыларды анықтау және қолдау.
Міндеті – Бейсен Құранбектің журналистика саласындағы еңбектерін жас ұрпақтың санасына сіңіру, азаматтық ұстанымды қалыптастырудағы телебағдарламалары мен шығармашылық еңбектерін дәріптеу және жасөспірімдер арасында насихаттау.
Жарыс «Журналистика – жас тілші көзімен» тақырыбында өткізілді. Байқауға облыс бойынша 78 оқушы қатысты.
Байқау ІІІ тур бойынша өтті.
І тур — Үй тапсырмасы (Бейнеролик сюжет түсіру)
ІІ тур — «Жас қаламгер» эссе жазу
ІІІ тур — Блиц-турнир (Бейсен Құранбектің өмірі, шығармашылығы және жалпы журналистика саласына қатысты сұрақтарға жауап беру)
Байқау нәтижесі бойынша 35 оқушы жүлделі орынмен (І орын – Кербұлақ ауданы Күреңбел қазақ орта мектебінің 9-сынып оқушысы Ақнұр Сәрсен; Кербұлақ ауданы Ж.Жапаров атындағы орта мектептің 10-сынып оқушысы Кәусар Ержан; Талдықорған қаласы № 21 орта мектептің 11-сынып оқушысы Аяулым Жапархан ); ІІ орын — 11; ІІІ орын – 21), бейнеролик-сюжет бойынша «Креативті көзқарасы мен шығармашылығы үшін» 6 оқушы, «Эссе жазу» туры бойынша 6 оқушы «Ой тереңдігімен ерекшеленгені үшін» номинацияларымен және бағалы сыйлықтармен марапатталды. 36 оқушыға белсенді қатысқаны үшін Алғыс хаттар табысталды.
«Жетісу-Ақпарат»
