Сарқан ауданында Чернобыль апаты салдарын жоюға қатысқан ардагерлермен тағылымды кездесу ұйымдастырылды, – деп хабарлайды 7-su.kz ақпараттық порталы.
Жиын барысында 1986 жылғы 26 сәуірде орын алған алапаттың адамзат пен қоршаған ортаға тигізген зардабы кеңінен айтылып, сол кезеңде жанқиярлық танытқан азаматтардың ерлігі айрықша атап өтілді.
Қатысушылар қазақстандықтардың бұл тарихи миссиядағы еңбегі өскелең ұрпаққа өнеге екенін жеткізді.
Кездесу аясында ардагерлерге құрмет көрсетіліп, аудан әкімдігі атынан алғыс хаттар табысталды. Аудан әкімінің орынбасары Алмас Байгунысов пен аудандық Қорғаныс істері жөніндегі бөлім бастығы Сабит Аймұханов ізгі тілектерін білдірді.
Шара концерттік бағдарламамен қорытындыланды. Чернобыль ардагерлерінің ерлігі – бейбіт өмірдің қадірін ұғындыратын тағылым.
