Қазақстан Республикасының Мемлекеттік қызмет істері агенттігінің Алматы облысы бойынша департаменті мен Талдықорған қаласы әкімдігі бірлесіп, қоғамдық қабылдау өткізді. Бұл туралы «Жетісу» газеті хабарлады.
Қабылдау мемлекеттік қызмет мониторингі және ақпараттық технологиялар бөлімінің бастамасымен мемлекеттік көрсетілетін қызметтер сапасын арттыру мақсатында ұйымдастырылды. Талдықорған қалалық ХҚКО ғимаратында өткен қоғамдық қабылдауда мемлекеттік қызмет сапасын талдауға қатысты құрылған талдау тобы мүшелері қала тұрғындарының барлық сұрақтарына жауап беріп, енгізілген ұсыныстар назарға алынды.
Аталған іс-шара «Халық үніне құлақ асатын мемлекет» тұжырымдамасы шеңберінде жүйелі негізде ұйымдастырылып, алдағы уақытта да өткізілетін болады.
«ЖЕТІСУ-АҚПАРАТ»
