Белгілі әнші Димаш Құдайбергеннің атасы қайтыс болды, деп хабарлайды 7-su.kz желілік басылымы Massaget.kz сайтына сілтеп.
Бұл туралы журналист Бауыржан Бабажанұлы facebook парақшасында жазды.
«Қазақты күллі әлемге танытқан Димаштың атасы, қадірлі ақсақалымыз Құдайберген аға дүниеден озды. Алла алдынан жарылқағай», — деді ол.
Айта кетейік, мемлекеттік және қоғамдық қызметтерде еңбек сіңірген, елдің әлеуметтік – экономикалық және мәдени дамуына, халықтар арасындағы достық пен ынтымақтастықты нығайтуға елеулі үлес қосқаны үшін Димаштың атасы Құдайберген Айтбаевқа «Ерен еңбегі үшін» медалі 2019 жылы берілген болатын.
