Мәжіліс депутаты Ринат Зайытов ресейлік саясаткер Владимир Жириновскийге Алматыда ескерткіш орнатуға қатысты ойын айтты, деп хабарлайды 7-su.kz желілік басылымы Ulysmedia.kz сайтына сілтеме жасап.
ДЕПУТАТ НЕ ДЕДІ
— Ақылға қонбайтын нәрсе. Бірақ Досаев сияқты әкімдер аман болса ескерткіш қойылып та кетуі мүмкін. Алматы Жириновскийдің тарихи отаны дегені несі? Онда біз Оспан батырға Қытайда ескерткіш қоя аламыз ба? Қоя алмаймыз. Әркімнің өз мемлекеті бар шығар. Заңда “Қазақстанның дамуына үлес қосқан адамдарға ескерткіш қойылады” деп нақты жазылған. Жириновскийдің біздің Қазақстанға не қатысы бар?, дейді Ринат Зайытов.
ӘКІМДІК НЕ ДЕДІ
Алматы әкімдігі ескерткіш орнатуға қатысты ұсыныс түспегенін айтты.
— Алматы қаласының мәдениет басқармасына В.Жириновскийге ескерткіш орнату туралы өтініш түскен жоқ. Алматы қаласының тарих және мәдениет ескерткіштерін қорғау жөніндегі комиссия тиісті ұсынысты қарастырған жоқ, дейді Алматы әкімдігінің өкілдері Ұлысмедиа тілшісіне берген жауабында.
Коллаж: Ulysmedia.kz
