Шаруалар дала жұмыстарына дайындықты ерте көктемнен бастап, егін егу жұмыстарына кірісіп кетті.
Ауданда барлығы 1300 гектар жерге минералды тыңайтқыштар шашылып, 1370 гектар жер тырмаланып, 300 гектарға арпа себілді. Ауылшаруашылығы дақылдарының егістік алқабы 113 мың 893 гектарды құраса, биыл 97 мың 972 гектар жерге дақыл түрлері егіледі. Оның ішінде күздік бидай мен жаздық дәнді дақылдар бар. Сондай-ақ, жаздық арпа-бидай, сұлы, дәндік жүгері, қарақұмық, мақсары, зығыр себіледі. Бұған қоса, 1 мың 288 гектарға картоп отырғызу, 400 гектарға жүгері, 186 гектарға қант қызылшасын егу жоспарлануда.
Барлығы 48 мың гектар сүдігер жырту көзделсе, бүгінде ол толық орындалды. Дала жұмыстарына трактор, соқа, дәнсепкіш, қопсытқыш және жер тырмалары жұмылдырылады. Оған қажет дизель отыны 15,5 мың тоннаны құрайды. Оның 4,1 мың тоннасы облысқа жеткізіліп, 495 тоннасы шаруашылықтарға таратылды. Жанар-жағармай 204-214 теңге аралығында шаруаларға берілуде.
Науқандық жұмыстар үшін 84 шаруа қожалығынан 1554,9 тонна, 56 шаруа қожалығынан күзгі жиын-терінге 1799, 8 тонна жанар-жағармайға өтінім берілді. Оператор ретінде «Жетісу Мұнай» ЖШС анықталып, 879 тоннаға келісімшартқа отырды. Бүгінде «Қызылшоқы» ЖШС 33 тонна жанар-жағармайға қол жеткізсе, көктемгі дала жұмыстарына 84 шаруа қожалығы, күзгі науқанға 56 шаруа қожалығы жанар-жағармайға өтінім берді.
Раушан БИСЕМБЕКОВА
Кербұлақ ауданы әкімінің баспасөз хатшысы
Фото: vestnikapk.ru
